Хараа голын эрэг дагуух айлуудыг нүүхийг АНХААРУУЛАВ!

~Хараа голын эрэг дагуух айлуудыг нүүхийг АНХААРУУЛАВ!~

Энэ жил бороо хур элбэг байгаа тул Хараа голын усны түвшин нэмэгдэж үерийн хэмжээнд байгаа талаар Дархан-Уул аймгийн Ус, Цаг Уур, Орчны Шинжилгээний газраас мэдээлэв.

Түр зуурын болон үргэлжлэн орсон бороо усархаг, хөрсөнд шингэх нь удаан байгаа тул голын усны түвшин дахин нэмэгдэх аюултай байгаа талаар цахим хуудас болон бусад хэлбэрээр мэдээллийг түгээж байна. Тиймээс голын айл саваар нутаглаж буй малчид, үер болохуйц газар тариалалт хийсэн тариаланчид, Дархан сумын 1-3-р багийн айл өрх ялангуяа Хараа голын эрэг дагуух айл өрхүүд өндөрлөг газарт нүүн суурьших шаардлагатай байгаа талаар аймгийн Онцгой Байдлын газраас сэрэмжлүүлж байна.

Түүнчлэн Хараа голын гүүрийг засварлаж байгаагаас түр хугацаагаар хаасан тул иргэд зам товчлох зорилгоор гарамгүй газраар гол гатлах зэргээр усанд суух, машин техникээ эвдэх тохиолдол гарч байгаа тул баталгаат гүүр, гарцаар гарах, шаардлагагүй тохиолдолд Хараа голын гүүрний засвар дуустал түүгээр зорчихгүй байхыг иргэдэд анхааруулж байна.

Аймгийн УЦУОШТ-өөс ирүүлсэн мэдээгээр 2018 оны 08 дугаар сарын 9-нд зарим газраар, 10-нд ихэнх нутгаар дуу цахилгаантай хур тунадастай байна. Зарим газраар түр зуурын аадар бороо орох тул болзошгүй үер ус, аянга цахилгаан нөөлөг салхины аюулаас сэрэмжтэй байхыг анхаарууллаа.

Ачаалж байна
Зочны үнэлгээ
0 (0 votes)

Сэтгэгдэл бичих